Blaogin'i pkm

Sangan'asa an'i Mozart iray isan'ny mahafinaritra ahy.

Mazotoa mihira !

Dia mitohy ny hirantsika, indro ary "Harena sy Fananako".

Mazotoa midera ny Tompo

Miarahaba antsika.

Azon'ireo izay mitady solfa atao ny mangataka eto. Raha manana moa aho dia avoakako eo, raha tsy hananako kosa dia angatahintsika amin'ireo izay manana mba haome izany.

Mirary soa !

Diniho tsara ny ambaran'ny tonon-kira sy izay hafatra tian'ny Tompo omena anao

Ialako tsiny fa tsy fantatro ny mpamorona, raha misy mahafantatra dia mba lazao eo. Ny Hosana Ambojatovo Fitiavana kosa no mpihira azy.

Raha milamindamina ny teo aloha, ity kosa somary falifaly.

Feon-kira malefaka isan'ny mahafinaritra ahy ity.

Miarahaba antsika rehetra mpitsidika.

Tsy fampianarana Solfa akory no hataoko eto amin'ity sehatra sady tsy mbola mahafehy tsara azy io aho.

Rahefa nikarokaroka eraky ny tranokala aho dia tsy dia nahita firy resaka momba ny solfa (na izaho no tsy mahay mitady). Araka ny tenin'ilay mpampianatra anay izay dia isika malagasy irery angamba sisa no firenena mampiasa ny solfa.

Hizara dikan-kira misy solfa ary no tena ho atao eto ("partition"), araka izay hananako ao amin'ny arsiva ao. Ary iangaviko antsika namana izay manana koa mba hizara izay ananany.

Tsy haiko loatra moa ny zon'ny mpamorona amin'izy ireny. Nefa hiran'Antoko Mpihira moa no matetika voadika amin'ny solfa, ka inoako fa tsy dia hisy fahasarotany loatra ny famoahana izany eto.

Dia mirary soa ho antsika rehetra eo am-pamakiana.

Pkm